waa wab seed ka cabdi qaadir cismaan xasan ama (daadir yare)

             

Ciidamada Dowladda Federaalka oo Dhoolatus Malateri kusoo bandhigay magaalada Baydhabo

Madaxweynaha Jamhuuriyda Fkmg ee Soomaaliya ayaa u ahayd Markii ugu horeysay oo uu labista dharka ciidanka Tuutaha loo yaqaan tan iyo markii loo doortay madaxtinimada Jamhuuriyada Federaalka kmg ee Soomaaliya isagoo salaan sharaf ka qaatay Ciidan tiradoodu gaarayey 667 askari oo isugu jira ciidamadii hore ee Xooga Dalka Soomaaliya iyo kuwo maleeshiyooyin ah oo tababar ugu soo dhamaaday xerada Manaas islamar ahaantaana lasoo dajiyey Agagaarka Garoonka Diyaaradaha ee magaalada Baydhabo.

Ciidamadaani ayaa Gaadakaciyaar kasoo bilaabay garoonka Diyaaradaha iyagoo socod kusoo maray guud ahaan magaalada oo dhan ilaa ay kasoo gaaran garoonka kubada cagta ee magaalada Baydhabo oo qiyaastii u jirta ilaa 5kmg halka ay kasoo dhaqaaqeen oo ay kusugnaayeen madaxda dowlada federaalka iyo saraakiil sare iyadoo ay horkacayeen Ciidamada Baanbayda ee Muusikada oo u garaacayey astaanta gaardiga ama gaada ka ciyaarka.

Mid ka mid ah saraakiisha ciidanka hogaaminayay oo salaan iyo warbixin bixin ugudbinayey madaxweynaha ayaa sheegay inay tababar ugu soo dhamaaday xerada Manaas islamarkaana ay gaarayaan sida uu warbixinta ku bixiyey sarkaalkaasi 667 askari.

Munaasabada ay ku soo bandhigayeen dhoolatuskan ayaa ahayd mid lagu taageerayey Xukuumada Federaalka oo codka kalsoonida ka heshay Baarlamaanka inay sii shaqeyso iyo sanadguuradii labaad ee kasoo wareegatay aas aaskii Golaha Baarlamaanka ee lagu soo dhisay dalka Kenya magaalada Nairobi.

Madaxweynaha ayaa kulabisnaa dharka Ciidanka Tuutaha waxaa barbartaagnaa ra'iisul Wasaare Prof. Cali Maxamed Geedi, Wasiir kuxigeenka Gaashaandhiga Md. Salaad Cali Jeelle, Abaanduulaha Ciidanka Qaranka Soomaaliyeed Md. Ismaaciil Qaasim Naaji iyo Saraakiil sare oo ka kala socday ciidamada Qalabka sida iyo kuwo Booliiska.

Waxaa iyana dhawaan tababar usoo dhamaan doona ciidamo lagu tababarayo Xerada 20 jiroow oo ladoonayo inay nabada magaalada Baydhabo la wareegaan halka kuwa hada jooga lagu wareejin doono madaxda sare ee dowlada Federaalka iyadoo kuwa ilaalada hada u ahna tababar loogu qaadi doono dowladaha dariska ah.

Kulan uu shir gudoominayey Ra'iisul Wasaaraha oo looga hadlayey Canshuur Uruurrinta oo lagu qabtay xarunta Gobolka Bay

Kulan albaabada u xeran yahay oo ay kasoo qayb galeen Ra'iisul Wasaare Prof. Cali Maxamed Geedi oo shirgudoonka ahaa, Wasiirka Arrimaha Gudaha Md. Xuseen Maxamed Faarax Caydiid, Wasiirka Maaliyada Md. Xuseen Maxamed Nuur (Shaati Gaduud), Wasiir K/xigeenka Arrimaha Gudaha Marwo Fahmo, Xeer ilaaliyaha guud, Xisaabiyaha Guud, Hanti dhoorka Qaranka, Gudoomiyaha Gobolka Bay Xaaji Barbaar iyo qubaro ka socotay Wasarada Maaliyada ayaa waxa lagu gorfaynayey sidii loo bilaabi lahaa Canshuur Urruurinta Gobolka Bay iyo gaar ahaan Magaalada Baydhabo.

Dood dheer ka dib ayaa waxaa uu ra'iisul Wasaaraha u magacaabay gudi kasoo baaraan dega sharuucda u degsan dowlada Federaalka qeybta Cashuuraha oo gudoomiye looga dhigay Wasiirka Maaliyada Md. Shaati Gaduud.

Xubnahaani ayaa Talo bixin kasoo jeedin doona iyagoo raacaya xeerka Dowlada u degsan iyo kan Tariifada ee dhawaantan Baarlamaanka go'aamiyey ee la doonayo in degmada Baydhabo laga hirgiliyo maadaama ay kulansantay in si kmg ah dowlada uga shaqeyso iyo iyadoo amaankeedu ay ku baxayso qarashyo badan lagana qaaday isbaarooyinkii dhex ooli jiray gudaha magaalada Baydhabo.

Dhanka kale xildhibaanad ka tirsan golaha Baarlamaanka oo magaceeda la yiraahdo Xaawo Cabdi Qayaad ayaa xalayto gurigeedu lagu weerayey koox dablay ah oo doonaysay inay dhac u geystaan balse Ciidamada Booliiska ee ilaalada ka ah magaalada ayaa xili baandoow jiray ay gacanta kusoo dhigeen laba ka tirsan Burcadii dhaca geysanaysay.

Mid ka mid ah saraakiisha Booliiska oo aan ka wareeystay sida wax u dhaceen ayaa ka gaabsaday inuu tafaasiil iga siiyo burcadaan lasoo qabtay inay yihiin kuwo dhac geysanayey iyo inay yihiin kuwo doonayey inay Dil u geystaan, labada nin ee lasoo qabtay ayaa loo gudbiyey Saldhiga Booliiska magaalada Baydhabo oo lagu hayo burcadaasi.